Холимог тулааны "One сhampionship", "Legend FC" холбооны дэлхийн аварга асан, Монгол улсын гавьяат тамирчин Жадамбаагийн Нарантунгалаг Филиппин улсын Манила хотноо “Дэлхийн аварга” цолоо эргүүлэн авахын төлөө дахин дэвжээндээ гарах гэж байна.

“Чингисийн цавчилт” хэмээх нэрээр тулааны спортын ертөнцөд алдаршсан Ж.Нарантунгалаг  өдгөө 43 настай бөгөөд 18 тулалдахдаа 14-т нь ялалт байгуулсан аж. тэрээр дэлхийн аваргын бүсний төлөө Вьетнамын тулаанч Мартин Нгуентай өрсөлдөх бөгөөд уг тулаан 4 дүгээр сарын 12-нд Филиппин улсын Манила хотод явагдах юм. Түүний өрсөлдөгч Вьетнамын тулаанч Мартин Нгуент 29 настай, 173 см өндөр бөгөөд бөгөөд мэргэжлийн дэвжээнд 14 тулалдахдаа 11-д нь ялжээ.