“Дулааны хоёрдугаар цахилгаан станц” ТӨХК Мэргэжлийн хяналтынхны шалгалтад тэнцсэнгүй.  Нийслэлийн мэргэжлийн хяналтын газраас төлөвлөгөөт хяналт шалгалтын дагуу хяналт шалгалтын ажлыг хийж байгаа бөгөөд тус станцад хийсэн шалгалтаар хэд хэдэн зөрчлийг илрүүлжээ. Шалгалтаар аюулгүйн үзлэг шалгалтын рентген төхөөрөмжийг тусгай зөвшөөрөлгүйгээр ашигласан, цацрагийн аюулгүй ажиллагаа хангагдаагүй зэрэг зөрчил илрүүлсэн байна. Тус зөрчлүүдэд зөрчлийн хэрэг нээн зөрчил шалган шийдвэрлэх ажиллагаа явуулж, прокурорын тогтоолоор тус компанийн рентген төхөөрөмжийн ашиглалтын үйл ажиллагааг түр зогсоож, Зөрчлийн тухай хуулийн дагуу торгох шийтгэл оногдуулсан аж.