ЗГХЭГ-ын дарга Л.Оюун-Эрдэнэ болон УИХ-ын нэр бүхий гишүүд Улсын Дээд шүүхийн Танхимын тэргүүн М.Батсуурийг Эрдэнэт үйлдвэрийн 49 хувийг авахад мөнгө угаасан, ашиг сонирхлын зөрчилтэй шийдвэр гаргасан хэмээн мэдэгдсэн юм. Үүнтэй холбогдуулан Дээд шүүхийн захиргааны хэргийн танхимын тэргүүн М.Батсуурь АТГ-т хандлаа. Тэрээр ЗГХЭГ-ын дарга Л.Оюун-Эрдэнэ өөрийг нь гүтгэсэн хэмээн үзэж, Монголын зэс корпораци ХХК болон Худалдаа хөгжлийн банктай холбоотой эсэхээ шалгуулахаар АТГ-т өргөдөл гаргажээ.