Ардчилсан намын Үндэсний бодлогын хорооны гишүүдийн ротацийн сонгуулийг 2019 оны 3 дугаар сарын 1-ний өдрөөс эхлэн зарлаад байгаа. Тэгвээл АН өнөөдөр дотоод сонгуульд нэр дэвшигчдээ танилцууллаа. АН-ын дарга С.Эрдэнэ “Дотоод сонгуульд хэн дэвшиж, хэн дэвшихгүйг АН-ын удирдлагууд шийддэггүй. Намын гишүүдээс хэн дуртай нь нэрээ дэвшүүлэх эрхтэй” гэсэн мэдээллийг өглөө.
Ардчилсан намын ҮБХ-ны гишүүдийн гуравны нэг, нийслэл, аймаг, дүүрэгт тухайн жилээсээ шалтгаалаад гуравны нэг эсвэл дөрөвний хоёр дээр нь ротаци буюу эргэлтийн сонгууль явуулдаг. Энэ жилийн хувьд ҮБХ-ны 410 гишүүнээс 112 нь ротацийн сонгуульд оролцож байна. Хэнтий аймгаас бусад 73 тойрогт ротацийн сонгууль явагдаж байгаа талаар АН мэдээлэл өгч буй. Үүний зэрэгцээ эмэгтэйчүүд болон залуусын суудалд эргэлтийн сонгууль явагдах аж. Тодруулбал, эмэгтэйчүүд 14, эрэгтэйчүүд 21 суудал дээр ротаци явуулах юм байна.