Баянзүрх дүүргийн нутаг дэвсгэрт байрлах "Очир" төвийн зочид буудалд бусдын гарт хэрцгийгээр амиа алдсан 13 настай охины хэргийн эцсийн шатны шүүх хурал 2018 оны 11 дүгээр сарын 23-нд Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны шүүхэд болж, шүүх бүрэлдэхүүн шүүгдэгч Д.Жавхлан, М.Амарболд нарт бүх насаар нь хорих ял оноон ялыг чанга дэглэмтэй хорих ангид биечлэн эдлүүлэх шийдвэрийг гаргасан.

Харин Д.Жавхлан, М.Амарболд нар шүүхэд давж заалдах хүсэлт гаргаад байгаа. Давж заалдах шатны шүүх хурал өнөөдөр Нийслэлийн эрүүгийн хэргийн давж заалдах шатны шүүхэд болно.