"Зуух тараасан компанитай холбоотой хүн нь одоо энд байнгын хорооны дарга хийгээд сууж байна. Одоо туршилт дууссан шүү" хэмээн Ерөнхийлөгч Х.Баттулга өчигдөр парламентын анхны Ерөнхий хяналтын сонсголын үеэр хэлэв.
тэрээр "Танин мэдэхүйн асуудлаа зогсоогоод шийдлүүд ярьцгаа. Малчид орлоготой болсноор хөдөө орон нутаг хөгжинө. Ихэнх гишүүд хөдөө орон нутгаас сонгогдсон. Хөдөөгөө хөгжүүлж байж нүүдлийг зогсооно. Өнөөдөр орон сууцнууд маш төлөвлөлтгүйгээр баригдсан. Мөн дагуул хотуудаа байгуулъя гэдгийг 2010 оноос хойш ярьж байна. Шинэ “Яармаг” гэж хорооллыг байгуулах ажлыг эхлүүлсэн ч зогсоосон байна. Утаагүй зуух гэж байхгүйг дэлхий даяар нотолчихоод байхад өчнөөн тэрбумаар зуух тараасан. Гэр хорооллын 80 хувьд өгсөн байна лээ. Тэр зуух тараасан компанитай холбоотой хүн нь одоо энд байнгын хорооны дарга хийгээд сууж байна" хэмээн Байнгын хорооны дарга Л.Элдэв-Очирт хандан хэллээ. Харин Л.Элдэв-Очир хариуд нь,
"Ерөнхийлөгч та “МCS” компанийг ярьж байх шиг байна. Тэр утаагүй зуухыг Мянганы сорилтын сангаас тараасан шүү. Одоо ч гэр хороололд эрэлттэй байдаг юм билээ. Утааны асуудлыг улстөржүүлмээргүй байна" гэв.
Ерөнхийлөгч Х.Баттулгын зүгээс сонсгол зохион байгуулах санал гаргаж, УИХ-ын гишүүд, БОАЖЯ, НЗДТГ, ШУА-ийн эрдэмтэд, иргэдийн төлөөлөл сонсголд оролцсон юм.