"Өргөө" амаржих газрын Нярайн тасгаас нэн шаардлагатай тоног төхөөрөмжүүд алдагдсан хэрэг саяхан гарсан. Үнэндээ илэрсэн нь саяхан болохоос биш хэзээнээс алдагдсан буюу эмч нар хувьдаа хэрэглэж эхэлсэн нь тодорхойгүй. Юутай ч хэрэгтэй холбогдуулан тус эмнэлгийн дарга Г.Баясгаланд сахилгын хариуцлага тооцохоор НЭМГ-ын даргын тушаал гарчээ. Шарлагын аппарат бусад тоног төхөөрөмж алга болсон уг хэргийг мөрдөх мөрдөн байцаалтын ажиллагаа дуусч, прокурорт шилжүүлсэн байна. Хэрэгт холбогдон шалгагдаж буй нярайн тасгийн эрхлэгчээр ажиллаж байсан эмч Б.Оюунцэцэг "Бурам- Оюу" гэх хувийн эмнэлэгтээ шарлагын аппаратыг хэрэглэж байсан гэх мэдээлэл бий.