Монгол Улсын Ерөнхийлөгчийн цомын нэрэмжит чансаа өндөр бөхийн барилдаан 2018 оны арванхоёрдугаар сарын 29-нд Буянт-Ухаа спорт цогцолборт болно. Ерөнхийлөгчийн Тамгын Газар Ерөнхийлөгчийн цомын нэрэмжит чансаа өндөр 128 бөхийн барилдааныг Буянт-Ухаад зохион байгуулахаар шийдвэрлэсэн аж. Өнгөрсөн жил уг цомын эзнээр Увс аймгийн Тэс сумын уугуул, Үндэсний Батлан хамгаалахын их сургууль, 'Увс нуур' дэвжээний бөх, Монгол Улсын харцага Т.Баасанхүү тодорч байжээ.