АНУ Умард Солонгосын эрх баригчдын эсрэг дангаар авч буй хориг арга хэмжээнүүдийг болон олон улсын хориг арга хэмжээнүүдийг сулруулах бодолгүй байна хэмээн Умард Солонгосын асуудал эрхэлсэн Төрийн Департаментын тусгай төлөөлөгч Стивен Биган мэдэгджээ.
Ингэж мэдэгдэхийн зэрэгцээ тэрбээр “АНУ, Умард Солонгосын хооронд итгэлцлийн харилцаа бий болгоход туслах янз бүрийн хувилбаруудыг манай улсын эрх баригчид авч хэлэлцэхэд бэлэн байна” гэжээ.
“Тухайлбал, Өмнөд Солонгосын Засгийн газрын Умард Солонгост 8 сая ам.долларын хүмүүнлэгийн тусламж үзүүлэх төлөвлөгөөнд АНУ саад учруулахгүй. Үүний зэрэгцээ америкийн иргэдийг Умард Солонгост зорчихыг өмнө нь хориглож байсан бөгөөд бид энэ хоригоо цуцалж магадгүй юм. Умард Солонгосын түншүүдтэйгээ яриа хэлэлцээний дараагийн түвшинд шилжихийг бид хүсч байна” гэж тэрбээр ярьсан байна.