"Миний мэдэх Ерөнхийлөгч Х.Баттулга" ном Энэтхэгт хэвлэгдэв
4 сарын өмнө

Зохиолч Д.Төрмөнхийн бүтээл “Миний мэдэх Ерөнхийлөгч Х.Баттулга” номыг энэтхэгийн “Харананад буукс пабликэшнс” хэвлэлийн газар англи хэлнээ хөрвүүлж, хэвлэснээ олон нийтэд толилуулах “Номын хурим” Энэтхэг улсын нийслэл Шинэ Дели хотын төв хэсэгт оршдог “Үндсэн хуулийн Ордон”-д болжээ.

Тус улсад суугаа Монгол улсын Элчин сайдын яам  “Дели хотын судлаачдын бүлэг”, “Монголын анд нөхөд” зэрэг төрийн бус байгуулагатай хамтран зохион байгуулсан энэхүү арга хэмжээнд  Энэтхэг улсын парламентын гишүүд, төр, засгийн газрын  байгууллагууд, урлаг, соёл, бизнесийн  салбарын төлөөллөөс гадна Энэтхэгийн парламентад төсөрхөн байгуулагдсан Энэтхэг, Монголын найрамдлын бүлгийн тэргүүн Р.Л.Катария, эл бүлгийн гишүүд, “Дели хотын судлаачдын бүлэг”-ийн ерөнхийлөгч В.Жолли, Дели хотын мэр Н.Чаули, “Харананад буукс пабликэшнс” хэвлэлийн газрын эзэн Н.Кумар, “Индиа Эмпайр” сэтгүүлийн эрхлэгч С.Чакарборти, монгол судлаач др. Ш.Сони зэрэг  олны танил эрхэмүүд мялаалгын үг хэлж дээрх номын талаар болон Монгол орон, монголчууд, Энэтхэг, Монголын  найрсаг харилцаа, олон талт хамтын ажиллагааны талаар дотно сэтгэлээ хуваалцаж халуун мэндчилгээ дэвшүүлэв.

Эдийн засаг нь эрмүүн хурдтай хөгжиж байгаа, тэрбум илүү хүн амтай,  Энэтхэг  улс ардчилсан Монгол улстай төрийн тэргүүнээр нь дамжуулан уламбүр ойртон дотно танилцах боломжийг зохиолч Д.Төрмөнхийн “Миний мэдэх Ерөнхийлөгч Х.Баттулга “ном  олгож байгааг  тэд дурдаж англи хэлээр уншигчдын хүрээнд энэ ном эрэлт ихтэй байх болно гэдгийг цохон тэмдэглэв.

Эмх цэгцтэй, зохион байгуулалт сайтай ёслолын энэхүү арга хэмжээнд  цугласан хүмүүс Монгол улсын ЭСЯ-наас эрхлэн хэвлүүлсэн  “Моди үзэгдэл”, ”Монгол Хөх тэнгэрийн орон”, “Монгол, Энэтхэг-оюун санааны хөршүүд” номнууд хийгээд энэтхэгийн сонин хэвлэлд нийтлэгддэг өгүүллүүдээр танил болсон тус ЭСЯ-ны ажилтнууд илтгэл айлтгалаа хинди хэлээр хэлдэг, санаа бодлоо  цэгцтэй илэрхийлдэг, идэвх зүтгэлтэй хэмээн өөр зууртаа   хүүрнэх нь чихэнд эерүү,  сэтгэлд таатай сонсогдох бөгөөд “Миний мэдэх ерөнхийлөгч Х.Баттулга” номын гэрэл зургуудаар бэсрэг үзэсгэлэн дэлгэснийг уншигчид  үзэж сонирхов.

 

 

“Харананад буукс пабликэшнс” хэвлэлийн газар киноны авьяаслаг уран бүтээлч төдийгүй туршлагатай сэтгүүлч, зохиолч Д.Төрмөнхийн “Миний мэдэх ерөнхийлөгч Х.Баттулга” номыг англи хэлнээ хөрвүүлж ийнхүү хэвлэсэн нь уг номыг англи хэлээр уншигчдын хүртээл болгоод зогсохгүй, Азийн Монголын амьдрал, ажил үйлсийг сурталчлан таниулахд ач холбогдолтой юм.

 

ГАДААД ХАРИЛЦААНЫ ЯАМНЫ ГАДААД СУРТАЛЧИЛГАА, СОЁЛЫН ХАРИЛЦААНЫ ГАЗАР

Анхаар! Уншигчдын бичсэн сэтгэгдэлд ubmedee.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Сэтгэгдэл байхгүй
Улаанбаатар хотын мэдээ, мэдээлэл
© Зохиогчийн эрхийг хуулиар хамгаалсан.
Хаяг: УБ хот ХУД 15-р хороо
Утас: 8611 8404