Олон нийтийн газар сэлэм “эргүүлэн” танхайрсан С.Бямбацогтын хэргийг цагдаагийн байгууллагаас мөрдөн шалгах ажиллагаа явуулж дуусаад Эрүүгийн хуулийн 20.7.1, 20.16.2.1-д зааснаар хэрэг үүсгэх саналтайгаар прокурорт шилжүүлжээ. Хэргийг тодруулбал, 2017 оны арваннэгдүгээр сарын 11-12-нд шилжих шөнийн 01.00 цагийн үед Баянгол дүүргийн нэгдүгээр хороонд байрлах “Castle” диско баарны үүдэнд хэсэг залуус танхайрч, нэг нь сэлэм эргүүлж, бусдын амь нас эрүүл мэндэд халдахыг завдсан хэрэг гарсан. Сэлэм эргүүлсэн залууг нийслэлийн ИТХ-ын төлөөлөгч С.Мөнхчулууны дүү гэсэн мэдээлэл олон нийтэд тарж байсан юм. С.Бямбацогт нь олон нийтийн газар танхайраад зугтсанаасаа гурав хоногийн дараа буюу арваннэгдүгээр сарын 14-ны өдөр дахин хар тамхины хэрэгт холбогдсон байдаг.
Түүний үйлдсэн гэмт хэрэг Эрүүгийн хуулийн 20.7.1 д заасны дагуу мансууруулах эм, сэтгэцэд нөлөөт бодис хэрэглэсэн болон 220.16.2-д 1-5 жил хүртэл хугацаагаар хорих ялаар шийтгүүлэх аж.