Мисс Д.Долгион энэ сарын 17-ны өдөр Тайландад болох “Miss Universe” тэмцээнд оролцохоор тус улсыг зорилоо. Түүний хувьд өнгөрөгч аравдугаар сард болсон үндэсний ялагчийг тодруулах шалгаруулалтад титмийн эзэн болж, Тайландыг зорих эрхтэй болсон юм. "Miss Universe 2018" гоо бүсгүй шалгаруулах тэмцээнд 94 орны бүсгүйчүүд өрсөлдөх бол Армен, Кыргызстан, Монголоос анх удаа оролцож байна. Финалын шалгаруулалт энэ сарын 17-ны өдөр Тайландын Бангконг хотод болно.