У.Хүрэлсүхийн Засгийн газрыг огцруулахгүй гэж санал өгсөн УИХ-ын гишүүн Ж.Батзанданг АН-аас хөөж, Л.Болд, Д.Мурат нарыг сонгуульд нэр дэвшүүлэх эрхээс нь хасах шийдвэрийг АН-ын дарга С.Эрдэнэ гаргажээ. Үүнтэй холбогдуулан гишүүн Ж.Батзандан, Л.Болд нар сэтгүүлчдэд мэдээлэл хийсэн. Энэ үеэр УИХ-ын гишүүн Л.Болд АН-ын бүлгээс гарна хэмээн мэдэгдэв. Тэрээр "Өнгөрсөн Баасан гаригт хувьсгал болсон. Засгийн газрыг огцруулах асуудал МАНАН-гийн тогтолцооны дотоод хагарал, бүлэглэлийн дотоод тэмцэл. Үүнд АН ямар ч хамаагүй. Би өнөөдрийн шийдвэрийг хараад гутарч байна.  МАН-ын халаасны нам болжээ. УИХ-ын гишүүний хувьд ард түмнийхээ төлөө саналаа өгсөн. АН бүлэгтэйгээ үлдэхийн тулд Ж.Батзанданг хөөж, намайг үлдээж доромжиллоо. АН ардчилсан биш коммунист нам болжээ" гэлээ.