УИХ-ын чуулганы хуралдаанаар Зөрчлийн тухай хуулийн төслийг хэлэлцэх үеэр Ц.Нямдорж гишүүн “Хэн ямар хатуу үг хэлэх нь надад сонин биш. Харин надад Монголын хувь заяа сонин байна. Дуртай нохой болгоноо над руу тавь. Би тэвчинэ. Эх орон чинь хайран байна шүү” хэмээн харуусчээ.
Түүний хэлснээр шүүхийн ялзарсан засаглалыг цэгцлэх хайч чадан ядан хөдөлж байгаа аж. Хажуугаас нь бахь хавчаад маш төвөгтэй байгаа бөгөөд захиалгаар, мөнгөөр шүүх засаглал хөдөлдөг , Үндсэн хуулийн цэцийн шийдвэрийг хүртэл тоодоггүй болсон гэнэ. “Ард түмэн энэ үнэнийг мэдэх ёстой болсон. Миний бие болохгүй бол Захиргааны шүүхийг татан буулгана” гэжээ.