Иракийн Дияали мужид 25 настай эмэгтэй 7 ихэр хүүхэд төрүүлжээ. Ихрүүдийн зургаа нь охин, нэг нь хүү гэнэ. “Энэ бол үнэхээр ховор тохиолдол юм. Эх хүүхдүүдийн бие сайн байгаа бөгөөд эх ямар нэгэн мэс ажилбаргүйгээр өөрөөрөө төрсөн юм байна.

Хүүхдүүдийн эцэг Иосеф Фади “Эхнэр бид хоёр хэзээ ч ийм олон хүүхэдтэй болно гэж бодож байсангүй. Одоо манайх 10 хүүхэдтэй боллоо” хэмээн ярьсан байна. Хамгийн сүүлд олон ихэр хүүхэд мэндэлсэн тохиолдол Бүгд Найрамдах Ливан улсад тохиож байсан ба Сэйнт Жоржийн их сургуулийн эмнэлэгт гурван хүү, гурван охин зургаан ихэр мэндэлж байжээ.

Харин 1997 онд дэлхийн анхны 7 ихэр мэндэлж байсан бөгөөд  “Диваажингаас ирсэн долоо” хэмээн нэрлэгдсэн ихрүүд өнөөг хүртэл эрүүл саруул өсөн торниж буй юм.